Візітацыя душпастэрская ў Нясвіжы і бал Усіх Святых

IMG 034929 кастрычніка адбылася душпастырская візітацыя парафіі Божага Цела ў Нясвіжы і парафіі Найсвяцейшага Сэрца Езуса ў Сейлавічах.

А 10:00 мітрапаліт Тадэвуш Кандрусевіч прыбыў у Нясвіх. Парафіяне розных узростаў прывіталі экселенцыю, таксама павіншавалі з нагоды імянінаў, якія адзначаў учора. Урачыстай св. Імшой у фарным касцёле ў Нясвіжы распачалі візітацыю. Мітрапаліт у казанні падкрэсліў нашую хрысціянскую вартасць. Заахвоціў парафіян да жыцця ў святасці. Было вельмі стасоўным папярэджанне аб несумяшчальнасці нашай паставы хрысціяніна з святкаваннем хэлоўіна. “калі мы прыходзім у кавярню і просім кельнэра падаць каву, а калі ён прыносіць, кажам, што мы пажартавалі, то нам аднак усяроўна прыйдзецца плаціць. У жыцці таксама за ўсё трэба плаціць. Хэлоўін нам падасца забавай, аднак з д’ябалам няма жартаў і раней ці пазней прыйдзецца плаціць” – зазначыў іерарх. Эксцэленцыя таксама нагадаў аб праблемах, якія існуюць зараз у парафіі. А асабліва падкрэсліў важнасць катэхізацыі, якую многія занядбовываюць.
Наступным пунктам была сустрэча з парафіянамі, якія маглі непасрэдна задаць нашаму арцыпастыру пытанні. Мітрапаліт таксама прыняў невялікія групы парафіян, якія маглі з вока на вока абмеркаваць свае праблемы і атрымаць парады.
А першай гадзіне дня эксцэленцыя ўзначаліў літургію ў гонар св. Губерта. У гэтым годзе гэтая панана выпала Нясвіжскай парафіі. На ўрачыстасці свайго нябеснага пакравіцеля сабраліся паляўнічыя і шанавальнікі прыроды з многіх рэгіёнаў Беларусі.
Не маглі мы і мінуць нашых памерлых. Мітрапаліт наведаў могілкі ў Нясвіжы, дзе разам памаліўся з вернікамі за памерлых святароў і ўсіх памерлых пахаваных на гэтых могілках, за усіх памерлых пахаваных на тэрыторыі парафіі, альбо дзенебуць ў свеце.
Не мінуў эксцэленцыя і Сейлавіч. Там парафіяне разам з іерархам памаліліся на ружанцы. Сваёй прамовай даў надзею гэтай невялічкай парафіяльнай супольнасці. Вёскі выміраюць, аднак ёсць надзея, што гэта святыне не апусцее. Падзякаваў пробашчу кс. Пятру за клопат і што кожную няделю там цэлебруецца св. Імша нават калі прыйде і два чалавекі. Яны таксама патрабуюць сустрэчы з Хрыстом у Эўхарыстыі.
На завяршэння мітрапаліт сустрэўся з дзяцьмі і моладдзю, якія зладзілі бал-карнавал Усіх Святых. Былі прыгожыя касцюмы святых, кожны павінен быў распавясці пра святова, якога ён прадстаўляў. Было шмат забаў, танцы, салодкі стол… Іерарх падзякаваў за гэты цудоўны вечар і падаў ідэю прапагандаваць такія балы па ўсёй дыяцэзіі, каб дзеці і моладзь праз гэта вучылася хрысціянскім каштоўнасцям і іх прапагандавала. Гэта добрая ідэя супрацьстаяць нехрысціянскаму хэлоўіну, які шкодны для людзей. Менавіта патрэбна праслаўляць Бога а не сатану. Святыя сваім прыкладам нам ў гэтым дапамагаюць.
На гэтай вясёлай нотцы і скончылася нашая візітацыя. Напэўна яна будзе для Нясвіжскай і Сейлавіцкай парафій натхненнем для духоўнага развіцца на доўгія гады.

IMG 0349

 

IMG 0352

IMG 0359

IMG 0360

IMG 0374

IMG 0377

IMG 0381

IMG 0384

IMG 0387

IMG 0389

IMG 0396

IMG 0412

IMG 0414

IMG 0420

IMG 0429

IMG 0448

IMG 0451

IMG 0459

IMG 0468

IMG 0482

IMG 0484

IMG 0491

IMG 0494

IMG 0495

IMG 0501

IMG 0512

IMG 0515

IMG 0518

IMG 0523

IMG 0524

IMG 0527

IMG 0550

IMG 0551

IMG 0553

IMG 0557

IMG 0560

IMG 0562

IMG 0589

IMG 3734

IMG 3737

IMG 3742

IMG 3745

Візітацыя душпастэрская ў Нясвіжы