Рэкалекцыі “Сцяг сям’і – каханне!”

2014-08-05-rekРэкалекцыі - гэта найлепшы час для духоўнага ўзмацнення, роздуму над сваім жыццём, малітвы.

З 1 па 3 жніўня 2014 года ў Баранавічах адбыліся рэкалекцыі для ўдзельнікаў руху “EquipesNotre– Dame”. 

На духоўных практыкаваннях прысутнічалі сужэнствы з Брэсцкай і Мінскай абласцей. Рэкалекцыі былі вельмі насычаныя: праводзіліся цудоўныя канферэнцыі, была магчымасць ушанаваць Пана ў Найсвяцейшым Сакраманце, прыняць удзел у сакрамантах споведзі і Эўхарыстыі.

 

Напэўна, кожны з удзельнікаў загарэўся жаданнем стаць лепшым, як мага больш умацоўвацца ў веры, па-сапраўднаму любіць свайго сужонка, правільна выхоўваць дзяцей. 

Мы ўзялі інтэрв’ю ў сямей, якія былі на рэкалекцыях упершыню. 

Інна і Віктар Ігнаценкавы: 

“Наша сям’я ўпершыню трапіла на рэкалекцыі сямейнага руху 

EquipesNotre – Dame”. На рэкалекцыі з’ехаліся сем’і рознага ўзросту з розных куточкаў нашай роднай Беларусі. Дарослыя і дзеці ўсе дні былі разам і за кароткі час сталі адной дружнай сям’ёй. 

Мы ўдзячныя Богу за знаёмства з гэтымі сем’ямі, якія далі нам прыклад і ўзор веры, добразычлівых адносін, любові. 

На сустрэчах мы духоўна ўзрасталі разам з ксяндзом Пятром з Нясвіжу, пачулі ад яго грунтоўныя адказы на хвалюючыя нас пытанні. 

У праграмме рэкалекцый былі прадугледжаны канферэнцыі, на якіх таксама разглядаліся вельмі важныя пытанні, якія патрэбны сем’ям, каб правільна будаваць свае адносіны паміж мужам і жонкай, як правільна выхоўваць дзяцей згодна з воляй Бога. Было вельмі цікава пазнаёміцца з вопытам іншых сямей, пачуць, як яны вырашаюць свае сямейныя праблемы, як выхоўваюць сваіх дзяцей. Менавіта на рэкалекцыях мы ўзглянулі на сваю сям’ю з іншага боку, убачылі свае памылкі і цвёрда пастанавілі выправіць свае недахопы. 

Сям’я – гэта падмурак нашай дзяржавы, і калі ў нас гэты сямейны рух будзе ўзрастаць, мы верым – наша краіна ў бяспецы. 

Мы будзем з нецярпеннем чакаць і шукаць новых такіх сустрэч. 

Дзякуем усім тым, хто арганізоўваў рэкалекцыі для нас, а таксама тым, хто наогул стварыў гэты рух, бо справа гэтых людзей – справа рук Божых”. 

Вольга і Аляксандр Хараўцы: 

“Сегодня закончились наши первые реколлекции. Это были три увлекательных дня, проведенных в кругу замечательных супружеских пар. Очень приятно было, что с нами находились наши детки, для них было все предусмотрено. На проведенных конференциях, мы много рассуждали над тем, как вести себя, как мудро поступать в отношениях друг к другу, а также к детям. 

Мы говорили о присутствии Бога в наших семьях, пары делились своими переживаниями и опытом. Дружеская атмосфера создавала впечатление будто все мы одна большая семья... Все говорили, что если бы не движение “EquipesNotre – Dame”, ничего бы этого не было, и это - абсолютная правда! Теперь с новыми силами и с сердцами, наполненными Богом, гораздо легче идти вперед, по дороге жизни! Спасибо!" 

Як адмецілі ўдзельнікі рэкалекцый, час праведзены разам з Богам,праляцеў імгненна і раз'язджацца было крыху сумна. Але спадзяёмся, што агонь Слова Божага будзе доўга трываць у нашых сэрцах. 

Важна, што кожная сям’я мела магчымасць выказацца па тэме рэкалекцый. Было адзначана, што хрысціянскія сем’і патрабуюць духоўнага развіцця, імкнуцца ўмацоўваць сваю веру, адчуць прысутнасць Езуса ў сваім сэрцы і ў сваей сям'і. 

Менавіта гэтаму садзейнічалі рэкалекцыі “Сцяг сям’і – каханне!”. Гэта быў цудоўны час разважання, адпачынку, паглыблення ведаў пра Бога. 

Рэкалекцыі адкрылі нашыя сэрцы на дабрыню, лагоднасць і любоў. Толькі разам з Езусам мы можам адчуць сапраўдную асалоду сужэнскага жыцця, толькі з Езусам мы знаходзім у сабе сілы для пераадольвання штодзённых цяжкасцей і вырашэння жыццёвых праблем. 

Шчыра дзякуем Пану Богу за атрыманныя ласкі, а таксама за арганізатараў рэкалекцый: ксяндза Пятра Шарко, Алену і Ігара Камлач, Алену і Франца Доўнар. Вялікі дзякуй таксама ксяндзу Андрэю Сіповічу, ксяндзу Паўлу Врубелю за ўдзел у рэкалекцыях, а таксама Уладзіславу з Магілёва за сакрэты шчалівага хрысціянскага жыцця. 

Дзякуй усім прысутным за адкрытасць и добразычлівасць! 

Кожны год наша сям'я з вялікай радасцю чакае рэкалекцыі і гэты год не стаў выключэннем. Мы сустрэліся з ужо па-сапраўднаму блізкімі для нас сем'ямі, слухалі і разважалі над Божым Словам, праслаўлялі Пана ў нашых супольных малітвах і спевах. 

Сапраўды спадзяемся,што гэты час яднання з Богам прынясе плён кожнай сям'і, дапаможа паглыбіць нашу веру.

Людміла і Андрэй Шкрабы

Паводле www.end.of.by