У Лагойску адбылася аплатковая сустрэча руху “Equipes Notre-Dame”

2 студзеня ў Лагойску адбылася аплатковая сустрэча руху “Equipes Notre-Dame”. Каб паяднацца і праславіць Пана, у Лагойск з'ехаліся сем'і руху з розных куткоў Беларусі, таксама былі запрошаны сем'і, якія яшчэ не належаць да руху. Прысутнічалі шэсць духоўных дарадчыкаў руху і сёстры законныя з Нясвіжа. На свята завітаў і хор "Чырвоныя макі" з Мінска з калядкамі.

Гасцей сардэчна сустрэлі арганізатары - сем'і з дзвюх суполак Лагойска на чале з парай экіпы сектара Валянцінай і Уладзімірам Паплёўкамі і пробашчам айцом Тамашам Маліноўскім MSF. 

Сустрэча пачалася Імшой у інтэнцыі руху “Equipes Notre-Dame”, якую ўзначаліў духоўны дарадчык руху ў Беларусі кс. Андрэй Сіповіч.

Продолжить

Хто такія езуіты?

Езуіт… Для многіх людзей гэтае слова асацыюецца з глыбокай духоўнасцю («ігнацыянскія медытацыі»), высокаадукаванымі і сціплымі манахамі, якія захапляюць сваёй эрудыцыяй і адкрытасцю на самыя розныя праяўленні культуры. Для іншых – гэта нейкае цьмянае слова з урокаў школьнай гісторыі. А для старэйшага пакалення, выхаванага на расійска-імперскай і савецкай літаратуры, «езуіт» — гэта сінонім кагосьці хітрага, крывадушнага, «памагатага заходняга імперыялізму». Дык хто ж яны на самой справе? Кім яны былі для Касцёла ў Беларусі? І хто яны цяпер?

Заснаванне ордэна

Манаскі ордэн езуітаў (дакладная назва: Таварыства Езуса) паўстаў дзякуючы старанням маладога іспанскага шляхціца Ігнацыя Лаёлы. Перажыўшы глыбокае вяртанне да Бога, гэты малады чалавек заснаваў манаскую супольнасць, якая ў 1540 годзе была афіцыйна зацверджана Папам Паўлам VI. Новапаўсталы ордэн паставіў перад сабой мэту спрыяць хрысціянскай адукацыі, выхаванню моладзі, дапамагаць у навучанні і духоўным фарміраванні будучых святароў.

Продолжить

Cустрэча адказных пар «Equipes Notre-Dame» адбылася ў Клецку

notre-dam21 верасня ў Клецку адбылася сустрэча адказных пар руху сужэнскай духоўнасці «Equipes Notre-Dame» (END). На сустрэчу прыбылі прадстаўнікі руху з розных куткоў Беларусі — Мінска, Баранавіч, Нясвіжа, Негарэлага, Ганцавіч, Гарадзеі, Салігорска, Мікашэвіч, Геранён, Суботнікаў.

Сустрэча распачалася святой Імшой, якую цэлебравалі духоўныя дарадчыкі руху на чале з ксяндзом Андрэем Сіповічам, духоўным дарадчыкам беларускага сектара END.

Сустрэча праходзіла ў свята св. Мацвея, апостала і евангеліста. «Ідзі за Мною» — словы Езуса, скіраваныя некалі да мытніка Мацвея, сталі дэвізам на пачатак новага фармацыйнага года «Equipes Notre-Dame». У наш час, калі каштоўнасць сям’і і сужэнскага жыцця нішчыцца з-за здрады, разводаў, п’янства і наркаманіі, важна пачуць голас Хрыста: «Ідзі за Мною!» «Ідучы за Хрыстом, мы не страцім сваёй чалавечай і сужэнскай годнасці, не патрапім у багну граху», — адзначыў у гаміліі кс. Сяргей Ангур TChr.

Продолжить

Віншавальнае слова арцыбіскупа Тадэвуша Кандрусевіча падчас урачыстага мерапрыемства, прысвечанага 75-годдзю заснавання Мінскай вобласці

18 студзеня 2013 г., Палац культуры ў Маладзечне

Глыбокапаважаныя ўдзельнікі!

Адміністратыўна-тэрытарыяльныя падзелы вядомыя яшчэ з часоў Старога Запавету. Менавіта закон Майсея даў Ізраэлю новую адміністратыўную структуру. Каталіцкі Касцёл і Праваслаўная Царква таксама складаюцца з дыяцэзій, якія дзейнічаюць на канкрэтна вызначанай тэрыторыі адной краіны. Усё гэта чыніцца для больш эфектыўнага кіравання і развіцця як дзяржаўных і грамадскіх, так і духоўных адзінак краіны.

Продолжить

Даклад А. Храмога пра гісторыю касцёла і парафіі ў Нясвіжы

Гісторыя Каталіцкага Касцёла багатая на разнастайныя падзеі на працягу ўсяго перыяду свайго існавання. Ёсць сведчанне, што першая рыма-каталіцкая парафія ў Нясвіжы ўзнікла ў 1471 годзе, але дакладна вядома, што ў 1510 годзе па фундацыі Пятра Кішкі (які ў той час валодаў Нясвіжам) быў пабудаваны драўляны касцёл Святога Духа. З 1555 і да 1584 года ў будынку касцёла размяшчаўся кальвінскі збор. Аднак, новы ўладар Нясвіжа — князь Мікалай Крыштаф Радзівіл Сіротка, пазнаёміўшыся з вядомым езуітам айцом Пятром Скаргам, хутка прыняў каталіцтва, а існаваўшы ў будынку касцёла кальвінскі збор зачыніў і саму святыню перадаў Таварыству Езуса.

Продолжить